Alumnos de Primeiro de Bacharelato do colexio Galaxia estiveron a visitar esta mañá as instalacións do Viveiro de Empresas de Riveira, onde asistiron a unha charla impartida pola técnica da Cámara de Comercio de Santiago de Compostela, Sandra Becerra.
No transcurso da súa estancia tamén escoitaron de boca da enxeñeira industrial Silvia Rodríguez a súa experiencia como emprendedora promotora dunha empresa, Nórtica (dedicada a proxectos I+D+i e implementación de norma ISO, internacionalización e busca de financiamento), coa que se instalou o ano pasado no viveiro.
